Plantun de Prouvènço

Pèr coumpara dos planto d'encò nostre

Schoenoplectus mucronatus & Ostrya carpinifolia

Schoenoplectus mucronatus

Cyperaceae

Noms en français : Scirpe à écailles mucronées, Souchet mucroné.

Descripcioun :
Lou triangle-bencu s'atrovo quàsi pas au nostre aleva dins li risiero de Camargo ounte n'i'a à bóudre. Se recounèis à sa cambo en triangle, sis espigo groupado e subretout sa bratèio que souvènt part sus li coustat. I'a quàsi pas de fueio, soulamen la guèno (fotò) .

Usanço :
Aquéu triange nous èi bessai vengu emé lou ris qu'èi pas segur que restavo au nostre à passa tèms. Couneissèn pas d'usanço particuliero pèr aquelo planto. Escriéure au site se n'en sabès mai .

Port : Erbo
Taio : 30 à 80 cm
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Schoenoplectus
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1,5 à 2,5 cm
Flourido : Estiéu

Sòu : Ca
Autour basso e auto : 0 à 400 m
Aparado : Noun
Juilet à setèmbre

Liò : Risiero - Estang
Estànci : Termoumediterran à Mesoumediterran
Couroulougi : Cousmoupoulito
Ref. sc. : Schoenoplectus mucronatus (L.) Palla, 1888 (= Scirpus lacustris L., 1753 )

Caupre(-óubloun)

Ostrya carpinifolia

Betulaceae

Nom en français : Charme-houblon.

Descripcioun :
Lou caupre-óubloun èi coumun soulamen dins lis Aup marino, alor que dins lou soubre de Prouvènço es un aubre rare. Se recounèis eisa quouro es en fru que soun enflourejado douno d'èr à la d'óubloun. Li fueio, éli, sèmblon à-n-aquésti dóu caupre, Carpinus betulus.
Usanço :
Aleva d'èstre planta dins li pargue, couneissèn pas d'usanço particuliero pèr aquest aubre.